Pami disebatkeun jalmi munafik mah alim tapi emang eta kaayaan nana, sigana jalmi soleh mah jalmi munafik. Naha make kitu cing? Ceuk simkuring mah pami jalmi soleh pasti bakalan ngabohongan diri sorangan tina nafsu anu nyeleket dina hate :D

           Kiyeu we contona, pami nurutkeun kana hate mah pasti hoyong nyobian anu namina kamaksiatan. Siga istri anu hoyong ngangge acuk nu boboleklakan, ameh katinggal geulisna. Tapi pami ngabohongan hate mah moal siga kitu, pasti bakalan nuturkeun kana akal na. Tah kumaha kana urusan asmara? Teu jauh beda we masalah eta mah, sabelas dua belas pokonamah.

           Pami urang nurutkeun kana hate anu sok digulung ku hawa napsu, urang bakalan dipoekeun kana hal anu bener. Cek salah sahiji jalmi pinter mah mapatahan kiyeu “memberitahu orang yang sedang jatuh cinta tidak akan berhasil”, tah bener we kaalaman ku  simkuring. Tong jauh-jauh ngomongkeun batur, ngomongkeun sorangan oge anu puguh-puguh osok dipoekeun ku hawa napsu.

           Ningali anu dipikanyaan jeung batur, sret dina hate teh jeung pikiran teh hal-hal anu teu bener. Da lamun teu dipikiran dua kali mah moal bisa ngendalikeun iyeu napsu. Ceuk ulama oge, napsu jelema mah sarua jeung 30 setan. Hiji setan oge ngagoda iman manusa geus sakitu beurat na, komo deui 30 setan. Matak eta napsu sakitu bahayana.

           Kumaha carana ngabangbalerkeun jeung ngabongohan hate anu kagulung ku napsu? Tah salah sahijina teh ku cara ngalakukeun hal anu possitif jeung teu jadi matak engkena. Contona naon? Nya nulis dina blog siga simkuring, karasa ku simkuring eta napsu anu ngageugeut hate bisa ngurangan jeung ngaleungit kusorangan, hnteu disadar-sadar oge bakalan leungit oge. Ngan aya tapi na! Naon tapi na teh? Nulisna nu hal positif tong negatif kabeh, lamun hal negatif kabeh bakalan nambahan napsu urang.

           Pami jalmi soleh mah kedah gaduh sifat munafik, tapi dina kayaan tertentu. Teu dina sagala kaayaan kudu munafik. Maksudna dina sagala kaayaan kumaha? Contona, urang apal iyeu waktuna ibadah tapi urang ngabobodo diri sorangan. Tah eta anu ulah teh, tapi lamun ngabobodo napsu mah alus. Eta ceuk simkuring mah, sagala sifat ge aya alusna lamun dipake dina waktu anu tepat mah.

I           yeu mah salah sahiji cara simkuring ngabangbalerkeun napsu, pami aya nu lepat mh hapunten we :D